ازاي اشتغل مع shein وادخل شغل مصر بدون جمارك
زيرو وووو جمارك 
العمليه مش صعبه ومش مستحيله وصدقني مش بضحك عليك
ممكن تبتدي تجاره مربحه جدا بأقل راس مال مع shein موقع تسوق ملابس وصناعت جلديه واكسسوارات حاجات كده تحف وبأسعار ارخص من مصر وده لأنك هتجيبها صفر جمارك
كل اللي انتا محتاجه ياصديقي انك تنزل التطبيق من جوجل بلاي او من أب ستور
تاني حاجه هتعمل جروب ع الفيس او واتس تيليجرام او اي وسيله تقدر تتواصل فيها مع العملاء بتوعك
عملت الجروب ونزلت البرنامج طيب هدفع ازاي تمن الحاجات دي على البرنامج
يلا بينا هي فعلا yalla فيزا من البريد المصري ب ٢٠ جنيه بس واعمل فيها الإيداع اللي انتا حجزت بيها البضاعه بتاعتك اللي العملاء اختاروها من على جروبك واتفقك على سعرها وحاول تحط هامش ربح بسيط زي ١٠ او ٢٠ جنيه ايوه هتكسب صدقني لان الموقع بيديك نقط ولو عديت معاه في الاوردر مبلغ في حدود ٢٢٠٠ جنيه مصري ما يعادلهم بالريال السعودي هيعملك خصم مابين ٤٠٠ ل ٥٠٠ جنيه ياصديقي
عملت الفيزا والجروب وحجزت البضاعه طيب هدخلها ازاي مصر؟؟؟!!!!
اقولك
انتا محتاج شخصين
واحد مقيم في السعودية
اتنين حد بيروح ويجي علطول
أكتب عنوان حد قريبك او صاحبك في السعوديه هتوصله الشحنه بدون جمارك ولغايه بيته او مكتبه وكمان انتا اللي هتدفع بالفيزا يعني هو مش هيخسر حاجه
اما الشخص التاني وهو ده اللي هتدور عليه شويه
هتتعب شويه ونشط ذاكرتك ودور في محيط علاقاتك وقرايبينك عن حد بيروح السعوديه على الاقل كل شهر مره
و الاغلبيه بيكون سواق عربيات شحن الفواكه والخضروات كل اللي هيعمله الشخص الاول انه هيقابل التاني ويديله الاوردر
قابله واداله الاوردر فك الاوردر شيل أكياس shein وطلع الاوردر منه حط الأكياس في اي مكان بعيد عن الاوردر
اوعي تنسى تاخد مقدم من العميل من الاوردر المطلوب لو متعرفوش
ركزي اوي في المقاسات
اعملي حسابك ان الاوردر ممكن ياخد من ٢٠ يوم ل٣٠ يوم
تكرار الشغل مع البرنامج بيديك دائما خصومات ودائما بتلاقي المكسب بيزيد
بحاول الاقي شركه شحن مضمونه واعرف التعرفه الجمركيه علشان الموضوع يبقى ابسط من كده
دائما يارب بالتوفيق للجميع
