خطوات تنفيذ مشروع تجاري
خطوات تنفيذ مشروع تجاري على منصة زي “أموالي”
في الوقت الحالي، بقى سهل جدًا تشتغلي من البيت وتكسبي فلوس من هوايتك، خصوصًا مع وجود منصات كتير بتساعدك تشتغلي أونلاين. سواء بتحبي الكتابة، التصميم، الطبخ، التصوير أو أي مهارة تانية، تقدر تلاقي مكان تعرضي فيه شغلك وتبدأي مشروعك بسهولة.
من أشهر المنصات اللي تقدري تشتغلي من خلالها:
أموالي: منصة عربية بتسمحلك تعرضي خدماتك أو منتجاتك بكل سهولة، سواء كنتِ بتكتبي، بتصممي، أو بتقدمي شغل يدوي.
خمسات: منصة عربية لبيع الخدمات المصغرة، مناسبة للي بيشتغلوا في الكتابة، الترجمة، التصميم، وغيرها.
فريلانسر Freelancer: منصة عالمية، فيها شغل لمجالات كتير، بس بتحتاج إنجليزي كويس.
مستقل: منصة عربية بتركز على المشاريع الأكبر، وفيها فرص كويسة للكتاب والمصممين.
Upwork: من أكبر المنصات العالمية للشغل الحر، وبتحتاج بروفايل قوي وتواصل احترافي.
Beesline أو Zayrah : منصات ناشئة بتركز على دعم أصحاب المشاريع الصغيرة في العالم العربي.
بعد ما تختاري المنصة المناسبة ليكي، تعالي نشوف مع بعض خطوات تنفيذ مشروعك التجاري، وناخد "أموالي" كمثال.
1. اختاري فكرة مشروعك
ابدأي بحاجة بتحبيها وبتعرفي تعمليها كويس. لو بتحبي الكتابة، ممكن تعملي خدمة كتابة مقالات أو محتوى تسويقي. لو بتحبي التصميم، قدمي كروت دعوة أو بوستات سوشيال ميديا. المهم تختاري حاجة قريبة منك وتستمتعي بيها.
2. جهزي الخدمة أو المنتج
اعملي نماذج من شغلك، سواء صور أو ملفات أو وصف للخدمة. خدي وقتك في التجهيز، علشان أول انطباع مهم جدًا على المنصات.
3. سجلي حساب على “أموالي”
روحي على الموقع، واختاري تسجلي كمقدّمة خدمات.
كملي بياناتك، واكتبي نبذة بسيطة عنك، فيها شغفك وإيه اللي بتقدميه.
4. ارفعي أول خدمة ليكي
اكتبي عنوان واضح وجذاب.
اكتبي وصف للخدمة بطريقة سهلة ومقنعة.
حطي سعر مناسب لبداية المشروع.
اختاري صور شكلها احترافي.
5. ابدئي في التسويق لنفسك
بعد ما ترفعي خدمتك، شاركيها على جروبات الفيسبوك، وابعتيها لصديقاتك.
اعملي صفحة باسم مشروعك، وانشري شغلك باستمرار. كل ما ناس أكتر شافوا شغلك، كل ما زاد الإقبال.
6. تعامل احترافي مع أول عميل
اهتمي بالتفاصيل، اسألي العميل عن المطلوب، وخلِّيكي ملتزمة بالمواعيد.
التقييمات الأولى بتفرق جدًا على المنصات.
7. طوري وكرري
استفيدي من تعليقات العملاء، وراجعي خدمتك كل فترة.
زوّدي خدمات جديدة، واشتغلي على تحسين صورك وطريقة شرحك للخدمة.
نصيحة أخيرة: المنصات دي فرصتك تبدأي من الصفر، وتكبري مشروعك يوم بعد يوم. كل ما اجتهدتي، كل ما قربتي من هدفك.
🎀Writed by:lily
