كيف تصبح مليونير من 100 جنيه

مشروع المليونير يبدأ بمائة جنيه وعن تجربة شخصية والله
بسم الله والصلاة والسلام على رسول الله صل الله عليه وسلم
اما بعد/
اتشرف اليوم بأن اشرح وأوضح بقدر استطاعتى المتواضعة عن كيفية إنشاء مشروع براس مال يبدأ بمائة جنيه يربح خمسون جنيه واكتر 
وكل يوم هشرح لخطوات تكبير رأس المال ده ويبقى مشروع توزيع كبير فى اقل من سنة 
المشروع ده اكتر ناس هتستفاد منه الطلبة من أول مرحلة الاعدادى والناس اللى ممعهاش اى رأس مال نهائى ولا يوجد دخل ليها 
اولا:- حضرتك تقدر توفر المائة جنيه حتى لو هتستلفها هتنزل بيها شارع بين الحارات برمسيس خلف مسجد الفتح عند الست ام مروان العوام معاملتهم حلوة واسعارهم كمان وبيوجهوك للصح هناك اكياس اللعب للاطفال بتبدأ من اول 25 جنيه إلى 60 جنيه كل كيس يحتوى على 100 لعبه هتشترى فى الاول كيس من 35 هو السلم والتعبان وكيس ساعات بلاستيك او حظاظات ب 50 دول اكتر لعب بتتباع يبقى المجموع 85 وتجيب 8 افرخ كرتون الكيلو 17جنيه بيبقى 17 فرخ يعنى الفرخ بيوقف على جنيه يبقى 8 كروت ب8 جنيه و5 جنيه بكر لاصق دبل فيس و2 جنيه 2 كيس تغليف الكارت يبقى المجموع 100 جنيه بتجيب الفرخ الكرتون وتعمل 4 أعمدة لاصق كل عمود تلصق عليه 6 العاب يبقى المجموع 24 لعبة يبقى الكيس اللعب بيعمل 4 كروت ويتبقى 4 العاب فرط من 100 لعبة الكارت بيتباع جملة للبقال 20 جنيه الكيسين بيعملوا 8 كروت يعنى مبلغ 160 جنيه المكسب 60جنيه بالإضافة إلى 8 العاب فرط يجمعوا وستعمل بيهم كارت مشكل اوتجمعهم لماتشترى اكياس تانية 
إن شاء الله هشرح كل فترة لو مقدرتش كل يوم على طريقة تكبير المشروع منه فيه لحد ما توصل صاحب مخزن توزيع فى اقل من سنة لان المشروع لايقتصر على اللعب فقط ٠ 
والله ده عن تجربة والحمد لله مربحة ومكفى بيتى 
وان هقدم النصيحة والشرح لوجه الله وانا مش عايز منك غير دعوه من قلبك ليا