كيفيه عمل مشروع اجهزه المحمول والمتطلبات لفتح متجر علي ارض الواقع

محدش يقدر ينكر ان الموبايل اداه لايمكن الاستغناء عنها وهتفضل مستمره ووسيله سريعه الانتشار

الكلام اللي بدهولك مش هدفه الربح ولاكن انا بنقلك خبره 9 سنين وعايز اوضحلك اني خوضت 7 تجارب في فتح مشاريع وفشلت الا ان المسلم بيتعلم من خطأه

وهنا حبيت اشرحلك الموضوع وابسطهولك وكمان ابعدك عن الخساره وانقلك تجاربي اللي علمتني درس مهم في كل خطوه خدتها واديك المفيد في المطلوب منك لفتح المشروع وازاي تحافظ عليه ويستمر وينجح 

اولا خلينا متفقين ان مفيش مشروع ناجح بدون سيستم بيشمل كل حاجه قايم عليها المشروع ودي اول نقطه انك لازم تبقا عارف بعت ايه وعندك ايه وهتشتغل علي بند ايه اكتر وايه اقل 

تاني حاجه خلينا متفقين علي البنود الاساسيه من اول شحن الرصيد للعميل و بيع الاكسسوار و صيانه المحمول

1- ماكينه شحن وتفضل فوري او مصاري او opay

2-اكسسوار المحمول وهوا وصلات الشحن والكابل والاسكرين والسماعات هاندفري وبلوتوث

3-الاجهزه المستعمله وتفضل شراها بالكرتونه وبدون صيانه مسبقه 

4-خدمه فودوافون كاش سحب وايداع وهيا مربحه حيث عمليه الايداع تربح 5 ج والسحب علي كل 1000ج يربح 10ج

5-الصيانه وهوا عامل مهم لدي المشروع حيث يعطي سمعه جيده ودخل ربح مجزي جدا ويفضل تشغيل فني ذو خبره وتتقاسم الارباح بنسبه 40%للفني و 60%للمشروع وصاحبه

6- الاجهزه الجديده هيا بمثابه تخزين رأس مال وليس الربح حيث يصل تقريبا معدل ربح الهاتف ذو قيمه 5000ج يعادل ربح 50ج اي مايعادل الاستعمال 5 اضعاف ربح الديد

7- عليك بالمصدقيه والامانه في التعامل مع العميل لكي تكسب الثقه والسمعه والمال الحلال

8- اسال عن سعر السلعه قبل متشتريها مثال في اسكرينه ب 8ج و 15ج و 19ج وكلهم نفس الماتريال باختلاف المستورد اللي بيغير سعر المكسب للضعف

9- بلاش تغش حد لان دي اسهل حاجه في مجال المحمول ,, صدقني هتخسر زبونك وهتخسر كل اللي كسبته 

10- الشراكه حلوه لو معاك حد فاهم وهيكملك سواء ماديا او بخبرته في المجال لو هتشارك حد مش فيه صفه من دول يبقا لا ,, ابدأ لوحدك احسن

اتمني اكون فدتكم واتمني لكم التوفيق والسداد في ما هوا قادم وشكرأ جزيلاا..